Սիրելի՛ առաջին կուրսեցիներ, դառնալով պոլիտեխնիկցիներ՝ դուք կոչված եք բարձր պահելու մեր համալսարանի հեղինակությունը և շարունակելու տասնամյակների ընթացքում այստեղ ձևավորված ավանդույթները:
Պոլիտեխնիկը մեր հանրապետության լավագույն բուհերից է և առաջատարը` ճարտարագիտական կադրերի պատրաստման ոլորտում: Ներկայումս մեր համալսարանը պատրաստում է ճարտարագետ-բակալավրեր՝ 35 մասնագիտություններով: Առկա են ճկուն ուսումնական պլաններ և ծրագրեր:
Սիրելի՛ ուսանողներ: Մեր համալսարանում կան ուսումնառության, սպորտի և հանգստի համար լիարժեք պայմաններ` ուսումնական լսարաններ և լաբորատորիաներ, գրադարան, էլեկտրոնային ընթերցասրահներ, սպորտային դահլիճներ և մարզահրապարակներ, մարզաառողջարարական ճամբարներ: Համալսարանն ունի հզոր համակարգչային բազա և ներդրված են կրթական նոր տեխնոլոգիաներ: Լիարժեքորեն օգտվե'ք դրանցից, ձգտե'ք գիտության բարձունքներին, եղեք կարգապահ, բարձր պահեք պոլիտեխնիկցու պատիվը:
ԳՈՒՐԳԵՆ ԲԱՐԵՂԱՄՅԱՆ
Կիբեռնետիկայի ֆակուլտետի դեկան
տ.գ.դ., պրոֆեսոր
