Հետևելով պոլիտեխնիկական հին ու բարի ավանդույթներին և արժանվույնս գնահատելով Ծրագրամեթոդական վարչության պետ, պրոռեկտոր, ուսումնական գործընթացի հմուտ կազմակերպիչ, տ.գ.թ., դոցենտ Կարեն Ստեփանի Արզումանյանի և Քոմփյութերային համակարգերի և ինֆորմատիկայի ֆակուլտետի «Հաշվողական համալիրներ, համակարգեր և ցանցեր» ամբիոնի վարիչ, պրոֆեսոր Գագիկ Տիգրանի Կիրակոսյանի երկարամյա անբասիր և բարեխիղճ աշխատանքը` ՀԱՊՀ-ի գիտական խորհրդի սեպտեմբերի 11-ի թիվ 21, 22 որոշումների համաձայն, համալսարանի երկու երախտավորները ծննդյան 60 ամյակի կապակցությամբ պարգևատրվեցին ՀԱՊՀ -ի Ոսկե հուշամեդալներով:
2015թ. սեպտեմբերի 22-ի Գիտական խորհրդի հերթական նիստի ժամանակ ՀԱՊՀ-ի ռեկտոր, պրոֆեսոր Ո. Մարուխյանը, հանձնելով հուշամեդալները Կ. Արզումանյանին և Գ.Կիրակոսյանին մաղթեց բեղուն աշխատանք, նոր գործերին ձեռնամուխ լինելու եռանդ ու կորով:
