Սիրելի պոլիտեխնիկցիներ, հարգելի պրոֆեսորադասախոսական կազմ. Պոլիտեխնիկական համալսարանի Ուսանողական խորհրդի անունից սրտանց շնորհավորում եմ սեպտեմբերի 1-ի կապակցությամբ։
Սիրելի առաջին կուրսեցիներ, ողջունում ենք նաև ձեր մուտքը Պոլիտեխնիկ: Ամառային շոգ օրերին, դժվարին մրցամարտում դուք հաղթողներ ճանաչվեցիք և նվաճեցիք Պոլիտեխնիկական համալսարանում ուսանելու իրավունքը: Եվ առաջիկա տարիները, որ անցկացնելու եք համալսարանում, ձեր կենսագրության առավել հիշարժան տարիներն են լինելու: Ցանկանում ենք, որ այդ հիշողությունները լինեն վառ և ուրախալի՝ կապված նաև Ուսանողական խորհրդի հետ, քանզի այսօրվանից դուք բոլորդ նրա լիիրավ անդամն եք:
Եվս մեկ անգամ շնորհավորում եմ բոլորիս Գիտելիքի և դպրության օրվա առթիվ, և մաղթում, որ այս սկիզբը լինի լավ, քանզի լավ սկիզբը հաղթանակի կեսն է։
ԳՈՌ ՎԱՐԴԱՆՅԱՆ
ՀԱՊՀ ռեկտորի տեղակալ,
ՈւԽ նախագահ
