Ապրիլի 18-ից 25-ը անցկացված Երևանի դպրոցների 25-րդ մարզական խաղերում հիանալի հանդես եկավ ՀԱՊՀ Երևանի ավագ դպրոցի բասկետբոլի տղաների հավաքականը: Միջդպրոցական մրցումներում հաղթելով «Կենտրոն» համայնքի բոլոր դպրոցների թիմերին` ՀԱՊՀ Երևանի ավագ դպրոցի բասկետբոլի հավաքականը գրավեց առաջին տեղը: Սա հնարավորություն տվեց մասնակցելու մայրաքաղաքի մարզական խաղերի միջհամայնքային առաջնությանը, որտեղ նույնպես մեր բասկետբոլիստները նվաճեցին 1-ին տեղը: Եզրափակիչ փուլում հանդես գալով «Մալաթիա-Սեբաստիա» համայնքի հաղթող թիմի հետ թեժ պայքարում` Պոլիտեխնիկի ավագ դպրոցի բասկետբոլի տղաների հավաքականը գրանցեց ևս մեկ կարևոր հաղթանակ` նվաճելով 25-րդ մարզական խաղերի չեմպիոնի կոչումը:
Այս բոլոր հաղթանակներում մեծ ավանդ ունեն ինչպես թիմի մարզիչներ Ս. Հարությունյանը և Ս. Ստեփանյանը, այնպես էլ լավագույն խաղացողներ Վ. Հարությունյանը (12-րդ«ը» դասարան), Է. Հակոբյանը (10-րդ«զ» դասարան) և Ա. Մկրտչյանը (10-րդ«է» դասարան):
Շնորհավորում ենք մեր մարզիկներին և մարզիչներին այս գեղեցիկ հաղթանակի առթիվ` մաղթելով ամենայն բարիք և նորանոր հաղթանակներ:
